Språk Språk Språk Visning: A A A A A
toppbilde

Ohcan vuolidit mánáidgárdde váhnenmávssu 2018/2019 mánáidgárdejagi ovddas

Otne ii galgga oktage dállodoallu máksit eanet go 6 pst sisaboađus, ja borgemánu 1. beaivve 2016 rájes lea buot 3-, 4- ja 5- jagážiin, ja mánáin maŋiduvvon skuvlaálgimin, geat orrut dállodoaluin vuollegis sisaboađuin vuoigatvuohta oažžut 20 tiimmu nuvttá mánáidgárdesaji vahkkui.

Ohcanáigemearri vuoliduvvon váhnenmávssu čakčamánu 1. beaivve 2018 rájes ja olles mánáidgárdejagi 2018/2019 ovddas lea borgemánu 23. beaivve 2018. Dan maŋŋá ii juolluduvvo maŋus áiggis, muhto dan mánu rájes Deanu gielda vuostáiváldá. Vuoliduvvon váhnenmáksu juolluduvvo jahkái, nu ahte ferte ohcat juohke mánáidgárdejagi ovddas.

Ohcan vuoliduvvon váhnenmáksu

Ođđa našunála ordnet vuoliduvvon mánáidgárdde váhnenmávssu ovddas:

  • Vuoliduvvon váhnenmáksu doaibmagođii miessemánu 1. beaivve 2015 bearrašiidda geat mákset eanet go 6 % sisaboađus mánáidgárdesaji ovddas. Dát ortnet guoská dállodoaluide geain lea buohkanassii personsisaboahtu ja vearrokapitálasisaboahtu mii lea vuolil 533 500 NKR jahkái.
  • Borgemánu 1. beaivve 2016 lea buot 3-, 4- ja 5-jahkážiin, ja mánáin geain lea maŋiduvvon skuvlaálgin, geat orrut dállodoalus vuollelis sisaboađuin vuoigatvuohta oažžut 20 tiimmu nuvttá mánáidgárdesaji vahkkui. Borgemánu 1. beaivve 2018 rájes lea sisaboahtorádjá 533 500 NKR:i.

Ortnet nuvttá guovddášáigi gusto leaš dál bealle- dahje olles sadji. 

Rehkenastinvuođđu lea buohkanassii personsisaboahtu ja vearrokapitálasisaboahtu. Sisaboahtovuođđu galgá govvidit daid duohta vearrosisaboađuid. Jos ohccis/ohcciin lea vearrokapitála- dahje persovnnalaš sisaboahtu mii ii leat čállon iešdieđáhusas, de lea geatnegasvuohta addit dan dieđu ohcamis.

Váhnemat geat ohcet fertejit orrut seamma álbmotregisterčujuhusas go mánná. Váhnemat sáhttet ohcat mánáidgárdejagis jos sisaboahtu rievdá. Dás oaivvilduvvo jos sisaboahtu rievdá guhkit áigge bargguhisvuođa geažil, rievdadus dállodoalus jna.

Dassážii go oažžut elektrovnnalaš ohcama, de ferte dál ohcat čálalaččat ja bidjat vearrodieđáhusa ja eará person- ja kapihtalsisaboađuid birra jagi 2017 ovddas.

Eanet ortnega birra

http://www.udir.no/regelverk-og-tilsyn/barnehage/foreldrebetaling/

Sádde ohcama Deanu gielda, Rådhusveien 24, 9845 TANA. Ohcama sáhtát buktit Deanu gieldda ráđđeviesu ovdakantuvrii dahje sáddet postmottak@tana.kommune.no .