Språk Språk Språk Visning: A A A A A
toppbilde

116117

1.09.2015 rájes lea doavttirfávttas seammá telefonnummir miehtá norgga

 

Čakčamánu 1. beaivve rájes lea doavttirfávttas seammá nummir miehtá norgga: namalassii guđasiffar nummir 116117 (daddjo čuođiguhttanuppelohkái čuođičiežanuppelohkái). Go riŋget dán nummira, de beasat hállat dainna doavttirfávttain mii lea lagamus dan báikki gos don leat, gos dal jo leat Norggas. Nummirii sáhtát riŋget sihke dábálaš telefovnnain ja mobiilatelefovnnain, ja lea nuvttá.

Bargojuohku gaskkal fástadoaktára ja doavttirfávtta ii rievdda. Doavttirfákta lea dušše fáhkkaveahki várás maid fástadoavttir ii sáhte gieđahallat.

Ovddeš nummir doavttirfáktii doaibmá ain nu mo ovdal 455 17 700 ). Dán nummira sáhttá geavahit jus lea olgoriikkas ja hálida oktavuođa deanu doavttirfáktaguovddážiin.

 

RIŊGE VUOS!

Doavttirfáktii sáhttá riŋget birra jándora. Dávjá lea buoremus riŋget ovddalgihtii, vai doavttirfákta beassá árvvoštallat dilálašvuođa ja sáhttá de fállat heivvolaš veahki.

 

GO DÁRBBAŠAT DOAVTTIRVEAHKI, GEASA DE GALGGAT RIŊGET?

113 go lea heakkavárra

Doavttirfákta 116117 go fástadoavttir ii leat olámuttus ja it ge sáhte vuordit.

Fástadoaktáriiddát dábálaš rahpanáiggiin.

Legevakt116117-logo.jpg

 

 

Fástadoavttir maid sáhttá veahkehit johtilit

Jus dárbbašat veahki beaivit, de galggat vuos riŋget fástadoaktáriiddát dahje dan fástadoavttirkantuvrii gosa gulat. Fástadoavttir de árvvoštallá lea go hohpolaš ášši, ja sáhttá dábálaččat fállat doavttirtiimmu seammá beaivve jus dilálašvuohta gáibida dan. Galggat álo váldit oktavuođa fástadoaktáriinnát go lea sáhka buohccindieđiheamis, reseapttaid ođasmahttimis, ja oahpes bistevaš váttuid olis mat eai leat fáhkka vearránan.

 

Mo sáhttá doavttirfákta  veahkehit

Go riŋget dan guđasiffara nummira 116 117 de oaččut oktavuođa doavttirfáktaguovddážiin dan guovllus gos don leat. Doavttirfákta galgá fállat veahki jus lea dakkár ášši mainna ii sáhte vuordit go fástadoavttirkantuvra lea gitta. Doavttirfákta galgá maid veahkehit du go it leat lahka iežat fástadoaktára, omd go leat luomus dahje mátkkošteamen. Jus navddát ahte leat heakkavárra, de galggat riŋget medisiinnalaš heahteveahki nummirii 113.

Norgga doavttirfávttat leat iešguđet láhkai organiserejuvvon. Juohke gielddas galgá leat unnimusat okta doavttir guhte lea fávttas. Go geavahat doavttirfáktabálvalusaid, de galggat máksit iežasoasi.

Eanáš báikkiin Norggas vurdet ahte don vuos riŋget doavttirfáktii ja oaččut árvvoštallama ovdal go šiehtadat deaivvadit jus leš dárbu. Dávjá lea doarvái ahte doavttir rávve telefovnna bokte.

Go boađát doavttirfáktii, de fertet álo váldit oktavuođa bargiiguin nu ahte sii besset árvvoštallat jođánit ahte lea go hohpolaš ášši. Jus fertet vuordit, de lea danin go earát dárbbašit veahki johtilabbo. Go galgá sáhttit veahkehit nu bures go vejolaš, de dárbbaša doavttirfákta persovnnalaš dieđuid, čujuhusa, ja dárbbaša diehtit manin válddát oktavuođa, makkár dávddat leat leamaš ovdal ja makkár dálkasiid geavahat.

Čuovvovaš listtus oainnát ovdamearkkaid dakkár dilálašvuođain goas sáhttá leat buorre váldit oktavuođa doavttirfávttain:

  • Alla feber – erenomážit mánáin
  • Muhtun muddui lossat vuoigŋat
  • Go fáhkka buohccát dahje dilli fáhkka vearrána
  • Go mánná dahje ollesolmmoš lea šliettas dahje návccaheapme
  • Duođalaš psyhkalaš dávda
  • Jus navddát ahte leat váttisvuođat áhpehisvuođain
  • Hávit maid ferte goarrut
  • Jus orru ahte dávttit leat dožžon

Ná oaččut oktavuođa doavttirfávttain

Riŋge dan guđasiffara nummira 116 117 dahje báikkálaš doavttirfáktanummira. Guktuid sajiin oaččut fástádusa birra jándora.

Jus dárbbašat oktavuođa doavttirfávttain eará sajis riikkas go doppe gos leat, de sáhtát geavahit dan báikkálaš nummira. Geahča gieldda neahttasiidduin dahje telefonnummiralmmuhusbálvalusain.

Goas galggat riŋget 113

Lihkuhisvuođaid ja duođalaš bárttiid olis gos dárbbašat dearvvašvuođaveahki johtilit, galggat riŋget 113. Jus vásihat ovtta ge dáid čuovvovaš čuoggáin, de galggat álo riŋget medisiinnalaš heahteveahkkái 113:

  • Ođđa ástandávda ámadajus dahje gieđas
  • Jus fáhkka leat váttisvuođat gielain, omd. Ii gávnna sániid dahje lea eahpečielga ságat
  • Jus fáhkka lea čilgetmeahttun váttisvuođat dássedeattuin
  • Jus jámálga dahje dihtomielalašvuohta hedjona
  • Raddebákčasat mat bistet eambbo go 5 minuhta
  • Jus fuomášat ahte váibmodálkkas nitroglyserin ii leat šat beaktil go dábálaččat
  • Jus raddi šaddá unohas, gákkahišgoahtá váimmu ja rapmaduvat